नवी दिल्ली: गुगलचा प्रमुख स्मार्टफोन असणारा Google Pixel 5 लाँच झाला आहे. नवीन पिक्सेल फोनसह कंपनीने Google Pixel 4a च्या 5G वर्जनची घोषणा केली आहे. Google Pixel 5 आणि Google Pixel 4A 5G भारतात लाँच होणार नाही, पण non-5G Google Pixel 4A भारतात येईल. आता पिक्सेल 4 A भारतात 17 ऑक्टोबरला उपलब्ध होणार आहे. हा हँडसेट 17 तारखेपासून फ्लिपकार्टवर विक्रीसाठी उपलब्ध असेल.
दोन्ही फोनच्या किंमती-
Google Pixel 5 ची किंमत 51 हजार 400 रुपयांपासून सुरू होणार आहे. तर Google Pixel 4A 5G ची किंमत 37 हजारांपासून सुरु होईल.
Google Pixel 5-
ड्युअल सिम असलेला गुगल पिक्सेल 5 अँड्रॉइड 11 वर चालतो. फोनमध्ये 6 इंच फुल एचडी+ 1080x2340 पिक्सेल ओलेड डिस्प्ले आहे. पिक्सेलची डेन्सिटी 432 पीपीआय आहे आणि आस्पेक्ट रेशो 19.5:9 आहे. डिस्प्ले प्रोटेक्शनसाठी कॉर्निंग गोरिला ग्लास 6 आणि रिफ्रेश रेट 90 हर्ट्झ आहे. या हँडसेटमध्ये क्वालकॉम स्नॅपड्रॅगन 765G प्रोसेसर आणि 8GB रॅम आहे. गुगल पिक्सेल 5 मध्ये 128GB इनबिल्ट स्टोरेज आहे जे मायक्रोएसडी कार्डद्वारे वाढवता येते. गुगल पिक्सेल 5 मध्ये फोटो आणि व्हिडिओसाठी ड्युअल रिअर कॅमेरा सेटअप आहे. फोनमध्ये 12.2 मेगापिक्सलचे दोन सेन्सर्स आहेत ज्यात अपर्चर एफ/1.7 12.2 मेगापिक्सल आणि अपर्चर f/2.2 16 मेगापिक्सल आहे. सेल्फी आणि व्हिडिओसाठी गुगल पिक्सेल 5 मध्ये 8 मेगापिक्सलचा फ्रंट कॅमेरा मध्ये आहे. फ्रंट आणि रिअर कॅमेरा प्रति सेकंद 60 फ्रेम्समध्ये 4K व्हिडिओ रेकॉर्डिंगला सपोर्ट करतो.
Google Pixel 4a 5G:
ड्युअल सिम Google Pixel 4A 5G अँड्रॉईड 11 वर चालते. फोनमध्ये 6.2 इंचाचा फुल एचडी+ 1080x2340 पिक्सेल ओलेड डिस्प्ले आहे. स्क्रीन डेन्सिटी 413 पीपीआय आहे. कॉर्निंग गोरिला ग्लास 3 सुरक्षेसाठी देण्यात आला आहे. फोनमध्ये ऑक्टा-कोर क्वालकॉम स्नॅपड्रॅगन 765G प्रोसेसर आहे. यात रॅम 6 जीबी आहे. फोनमध्ये नॉन-एक्स्पांडेबल 128GB इनबिल्ट स्टोरेज आहे. Google Pixel 4A 5G मध्ये 12.2 आणि 16 मेगापिक्सलचे दोन रिअर सेन्सर्स आहेत. सेल्फीसाठी या पिक्सेल फोनमध्ये 8 मेगापिक्सलचा फ्रंट सेंसर आहे ज्यात अपर्चर f/2.0 आहे. फोन प्रति सेकंद 60 फ्रेम्सपर्यंत 4K रिझोल्युशन व्हिडिओ रेकॉर्डिंगला सपोर्ट करतो.
(edited by-pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.